INICIO INFORMACIÓN SERVICIOS OFERTA EDUCATIVA FOTOS ACTIVIDADES CONTACTAR

CRÓNICA DUNHA VIAXE. EXCURSIÓN 4° ESO- ABRIL 2022. Curso 2021-2022

O pasado 25 e 26 de abril, o alumnado de 4° de ESO gozou dunha saída de convivencia a Cabeza de Manzaneda.

Ás 6 e cuarto da mañá saímos desde o colexio cara a Cabeza de Manzaneda. Despois de dúas horas e corenta e cinco minutos escoitando reguetón no autobús, chegamos ao noso destino. A sorpresa foi maiúscula cando descubrimos que había restos de neve, que serviu de pretexto para comezar unha batalla de bólas. Xa nos estaban esperando e despois de instalarnos, comezaron as actividades.

En primeiro lugar, o alumnado puxo a proba as súas destrezas no circuito de bicicletas e no tiro con arco, "quentando motores" para a andaina posterior de cinco quilómetros polos montes da zona. A fame comezou a sentirse e despois de xantar ás 13:30 e dentro do tempo libre, organizáronse uns partidos de fútbol e baloncesto.

Xa, pola tarde, chegou o momento desexado para moitos deles: a piscina, o jacuzzi e o spa, que serviu de relaxación previa para a sesión discoteca que viría a continuación. Moito baile e moita marcha por parte do alumnado. Ás 11:30 da noite deitamos e despois dunha noite tranquila recuperamos forza para o día seguinte.

Ao día seguinte, previas explicacións dos monitores, puxémonos a construir vivacs (cabanas de supervivencia) e a xogar á pelota canadiense. Así transcorreu o día, e ás 6 da tarde enfilamos rumbo ao colexio. Chegamos ás 9 da noite cantando reguetón e moi alegres por pasar estes dous días tan intensos de actividades e convivencia.



OBRADOIRO DE AROMÁTICAS NA ESO. Curso 2021-2022

O alumnado de 4° da ESO, na materia de IAEE e desenvolvendo o seu proxecto didáctico "Horta emprendedora", impartiu o seu primeiro obradoiro de aromáticas para 1° ESO. Aunando teoría e práctica, deixaron abraiados os nosos rapaces coa súa sabedoría e dominio do marabillosos mundo das plantas aromáticas. Así, compartiron o seu segredo para manter as pragas a raia e o mellor xeito de sementar con éxito.

Voltamos as aulas co noso plantío de lavanda desexosos de conseguir o seu florecemento!



VILA ROMANA DE TORALLA. 3° e 4° de ESO. Curso 2021-2022

O 17 de febreiro os alumnos de 3° e 4° de ESO tivemos a oportunidade de visitar o Centro Arqueolóxico da Vila Romana de Toralla, situado na Finca Mirambell, xunto á praia do Vao.

A visita constou de dúas partes. Unha primeira, dentro do edificio do CIMR (Centro de Interpretación do Mundo Romano), onde os técnicos nos situaron este complexo arqueolóxico, incialmente ocupado por galaicos e logo xa baixo a influencia romana.

Comentáronnos o funcionamento desta vila romana de finais do s. III - s. IV, tanto a súa pars urbana, edificio onde os donos desta explotación de sal vivían xunto cos seus escravos; coma da pars rural, as salinas propiamente ditas, que se situaría na actual praia do Vao.

A segunda parte da visita consistiu en coñecer de primeira man os restos arqueolóxicos da pars urbana, onde os arqueólogos reforzaron polo miúdo o explicado con anterioridade.

Foi unha visita moi educativa e amena, na que o alumnado participou activamente consultando as súas dúbidas, e que serviu para coñecer un pouco máis do pasado da nosa contorna.



VILA ROMANA DE TORALLA. 1° de ESO. Curso 2021-2022

O 17 de febreiro os alumnos de 1° de ESO tivemos a oportunidade de visitar o Centro Arqueolóxico da Vila Romana de Toralla, situado na Finca Mirambell, xunto á praia do Vao.

A visita constou de dúas partes. Unha primeira, dentro do edificio do CIMR (Centro de Interpretación do Mundo Romano), onde os técnicos nos situaron este complexo arqueolóxico, incialmente ocupado por galaicos e logo xa baixo a influencia romana.

Comentáronnos o funcionamento desta vila romana de finais do s. III - s. IV, tanto a súa pars urbana, edificio onde os donos desta explotación de sal vivían xunto cos seus escravos; coma da pars rural, as salinas propiamente ditas, que se situaría na actual praia do Vao.

A segunda parte da visita consistiu en coñecer de primeira man os restos arqueolóxicos da pars urbana, onde os arqueólogos reforzaron polo miúdo o explicado con anterioridade.

Foi unha visita moi educativa e amena, na que o alumnado participou activamente consultando as súas dúbidas, e que serviu para coñecer un pouco máis do pasado da nosa contorna.



CHARLA DE ORIENTACIÓN SOBRE CICLOS FORMATIVOS. Curso 2021-2022

O día 7 de febreiro, o alumnado de 4° de ESO recibiu unha charla organizada desde o departamento de orientación sobre os ciclos formativos.

O alumnado prestou atención en todo momento e mostrou preeocupación polas saídas laborais destes ciclos.



OS SOÑOS DE CAJAMARCA. Curso 2021-2022

Estes dous libros (poesía, teatro e narrativa), de autores moi recoñecidos da literatura actual, son o resultado dun traballo coordinado polo profesor do noso centro, Xavier Estévez, coa finalidade de recadar fondos (comedores escolares) para os nenos e nenas da zona de Cajamarca en Perú. Esta actividade estivo promovida pola ONG AULAS ABERTAS coa colaboración destacada de Pilar Muñoz.

O alumnado da ESO, quixo cooperar con esta iniciativa e lanzouse á lectura do libro.

Os días 16 e 20 de decembro Pilar acudiu ao centro para explicar a súa experiencia con estes rapaces e rapazas desta zona tan deprimida do Perú. Mostroulle ao alumnado as condicións de vida e o esforzo que supón para estes asistir ao colexio todos os días.

A charla foi dinámica e o alumnado da ESO participou activamente. Esperemos que a mensaxe de solidariedade chegara a toda a rapazada do noso colexio.



CRÓNICA DO 1° TRIMESTRE NA HORTA DE AROMÁTICAS. 1° ESO. Curso 2021-2022

Finalizou o primeiro trimestre do curso 21-22, e, semana a semana, na horta de aromáticas non deixaron de suceder cousas. Tras tres meses de ensaio-erro, é dicir, de aprendizaxe, podemos afirmar con satisfacci%ón que, hoxe por hoxe, o alumnado de 4° ESO B e o seu profesor sabemos moito máis do que sabiamos verbo deste eido fascinante da horticultura.

No principiar do curso, fíxose reparto de responsabilidades: Iago atendería o normal desenvolvemento da lavanda; Breixo, do ceboliño; Iker, do ourego; Irene, da alfábega; Joel, do coriandro e do xenxibre; Laightsha, do romeu; Miguel, da sarxa; Patricia, do pirixel; Sabela, da macela; Xoán, do tomentelo, e Xoel, do mentraste.

Elixido o bancal propicio para os nosos obxectivos, houbo necesidade de rozar, cavar, restrelar e enriquecer a nosa parcela de cultivo. Dispuxemos as plantas segundo as súas necesidades hídricas; enfrontamos o embate das pragas (caracois, fungos, mosquiña...), empregando procedementos ecolóxicos (area, café...); extirpamos as malas herbas; atendemos puntualmente as obrigadas quendas de rega... e, mentres experimentabamos a pé de obra, fomos elaborando a documentación pertinente (Diario da Horta) e adquirindo os coñecementos necesarios para, no segundo trimestre, responsabilizarnos das visitas guiadas e, na primavera, principiar o proceso da sementeira.

Na segunda metade do primeiro trimestre, tras recadar información ao respecto, propuxémonos elaborar o que nos denominamos "xurro de estrugas", un funxicida natural elaborado con ortigas (Urtica dioica), que, aplicado con pulverizador, se mostrou eficaz contra a peste que murchaba as nosas alfábegas e contra a mosquiña que facía o propio co noso mentraste.

Así mesmo, coa axuda de Juan Dávalos, instalamos un sistema de rega "pinga a pinga" para manter o solo do bancal nas condicións óptimas de humidade. Amais, Juan Dávalos introduciunos na práctica da vermicultura, axudándonos a compoñer baixo o invernadoiro un criadeiro de miñocas que, andado o tempo, servírannos para fertilizar e airear a terra do noso bancal.

Non debemos esquecer que a brigada de IAEE empregou dúas xornadas no acondicionamento do acceso á horta escolar, deixándoa en perfecto estado de revista para acollermos os nosos futuros visitantes.

Finalmente, despois do preceptivo labor de documentación e selección informativa, fixamos no taboleiro da horta os carteis-guía das plantas aromáticas que cultivamos. Os carteis farán máis doada a actividade de interpretación do noso proxecto. Traballo feito non corre présa.



Campo a Través. Curso 2021-2022

"O pasado mércores 24 de novembro os alumnos de 6° EP, 1° e 2° ESO, participaron nunha carreira de Campo a Través que se celebrou en Zamáns. Estivo organizada por Xogade e a finalidade desta actividade é a dinamización e promoción do Deporte Escolar mediante a participación inclusiva de todo o alumnado.

Unha actividade que loita contra o sedentarismo e fomenta a igualdade de xénero.

O alumnado pasauno xenial correndo e ata bailaron todos xuntos!!."



Samaín. Curso 2021-2022

Rematou o verán e comeza o inverno, a época da escuridade. Esta celebración milenaria ten lugar cada ano, durante a noite que vai do 31 de octubre ao 1 de novembro. Din que nestas datas é máis fácil viaxar entre dous mundos: o mundo dos mortos e o dos vivos.

Este ano conmemoramos esta etapa con divertidos obradoiros de plástica nos que coloreamos calacús, construimos pantasmas de papel, debuxamos morcegos e demais seres propios destas datas.

Toda a ESO participou con alegría e boa disposición.



A horta emprendedora.Curso 2021-2022

O alumnado de IAEE de 4° da ESO, decididos a explorar as posibilidades da horticultura, principiaron unha actividade de cultivo de plantas aromáticas nas instalacións do colexio. De primeiras, os alumnos escolleron unha parcela nun dos bancais do invernadoiro, enfrontando o labor de remexer e airear convenientemente a terra. A seguir, enriqueceron o solo cunha achega de substrato, regárono e déronlles empezo ás tarefas de plantado.

Nesta actividade emprendedora, o primeiro dos obxectivos perseguidos é aprender o necesario sobre os espécimes vexetais seleccionados, para facelos arraigar convenientemente.

A listaxe de plantas aromáticas atinxidas é a seguinte: a alfábega (Ocimum basilicum), a macela (Matricaria chamomilla), o coriandro (Coriandrum sativum), o pirixel (Petroselinum crispum), o tomentelo (Thymus vulgaris), o romeu (Rosmarinus officinalis), o ceboliño (Allium schoenoprasum), a sarxa (Salvia officinalis), o xenxibre (Zingiber officinale), o mentraste (Mentha suaveolens) e a lavanda (Lavandula angustifolia).

Cando haxa un bo mostrario de plantas co que apoiarmos as visitas guiadas, os alumnos de IAEE estarán encantados de recibir os seus compañeiros doutros cursos no invernadoiro do colexio, para mostrarlles o plantío e explicarlles as características de todas e cada unha das plantas do bancal de aromáticas.


Charla divulgativa sobre investigación. 4°ESO.

Instituto Español de Oceanografía. Curso 2021-2022

O Instituto Español de Oceanografía (IEO, CSIC) sumouse a XII edición da Noite Europea dos Investigadores con charlas presenciais como a que tivo lugar no noso centro para os alumnos de 4° ESO.

A "Noite Galega das Persoas Investigadoras" celebrouse en Galicia baixo a denominación "GNight" e co lema "Conciencias creativas" coordinada pola Universidade de Vigo. O Centro Oceanográfico de Vigo organizou na xornada do 24 de setembro varias actividades, entre elas charlas para centros educativos buscando achegar a figura da persoa investigadora e a investigación á sociedade e fomentar as vocacións científicas entre o alumnado.

A charla divulgativa foi impartida por unha investigadora do Centro Oceanográfico e nela falou sobre a carrera profesional no Instituto Español de Oceanografía (IEO, CSIC), visibilizando ademáis diferentes perfís no ámbito da investigación, así como o día a día no laboratorio.

Convídonos os distintos obradoiros de divulgación, que terían lugar esa misma tarde no Berbés :"¿Dónde vives? En Terranova y me llamo ...", del Equipo de Pesquerías Lejanas, "Detectives del mar" del Equipo de Contaminación y "Un arco da vella baixo o mar" do Equipo de Fitoplancton.



A COLLEITA DA HORTA. Curso 2021-2022

Velaí os tomates que plantaron os vosos fillos o curso pasado. Grazas ás profes de primaria, os alumnos de 1° da ESO poderán facer boas ensaladas!. Quen sementa, recolle!

GRACIAS!



UNHA NOVA ETAPA NA ESO. Curso 2021-2022

Os Chromebook xa son unha realidade nas aulas de 1° e 2° da ESO!



UN INICIO DE CURSO DIFERENTE NA ESO. Curso 2021-2022

A bo ritmo e coas mochilas ó lombo, os alumnos da ESO iniciaron o curso 2021-2022 cun roteiro polo monte de Fragoselo. O noso guía Marco probou as nosas pernas cunha forte pendente ó inicio, agasallounos con fermosas vistas da Ría de Vigo e das Illas Cíes a medio camiño e levounos ata o merendeiro de San Miguel para repoñer forzas. Tempo de lecer para xogar, compartir merendas e manter conversas onde nacen novas amizades. Comezamos así un novo curso escolar cunha xornada de convivencia na que os nosos alumnos amosaron un comportamento exemplar.



Creando un periódico. 3° ESO. Curso 2020-2021

Os alumnos de 3° da ESO converteron a súas aulas nunha redacción e, plana a plana, foron conformando un diario con todas as novas do seu interese. La Divina Visión foi o nome que escolleu 3° eso B para o seu "faro". Noticias Xpress, 3° eso A.

Entre as páxinas dos xornais podedes atopar entrevistas a Laura Parga, recente gañadora da medalla de ouro no campeonato de España de ximnasia acrobática; Aurora Lorenzo, mestra xubilada do noso centro; o rapeiro Martín Gómez ou o campión do mundo de bodyboard, Iain Campbell. Tamén hai espazo para os pensamentos de Winston Churchill ou o elemento n° 117 da táboa periódica. Bo traballo rapaces!



ACTIVIDADES NÁUTICAS EN BEACH ESCOLAS. Curso 2020-2021

O pasado 16 de xuño, o alumnado de 4° de ESO tivo a gran sorte de gozar dunha xornada de convivencia participando nunhas actividades náuticas na praia do Vao ao tempo que puxo en práctica os seus coñecementos de inglés.

Os monitores, entregados e divertidos, mostráronlle á rapazada as distintas técnicas de navegación en Paddle Surf, kajak e catamarán.

A actividade durou tres horas e media, aproximadamente. Pasou o tempo rapidísimo: navegamos, bañámonos e participamos en carreiras na praia e regatas no mar. Pasamos unhas horas estupendas e afianzáronse os lazos de amizade.



Proyecto BIOXEOEXPO 3ª evaluación. Curso 2020-2021

En la tercera evaluación el alumnado de 1°ESO elaboró una exposición de árboles mediante la realización de carteles informativos que recogen las características e información de interés de cada una de las especies arbóreas. En las imágenes se observan los carteles ganadores por votación del alumnado.

¡Enhorabuena!



Práctica de laboratorio: observación de protistas. Curso 2020-2021

En esta práctica de laboratorio los/as alumnos/as de 1°ESO ha podido comprobar el fascinante mundo microscópico que contiene una gota de agua, un mundo totalmente desconocido y fascinante.

Para ello han tenido que aprender a manejar el microscopio y a identificar algas y protozoos. Una experiencia muy enriquecedora que amplia sus límites del conocimiento.


 

REGRESAR